Acikowi pizło 50
Acikowi pizło fufcik
i z tego ważnego powodu
banda sie wiynkszo zaprosił
do Michoła i Tekli łogrodu.
Przibyli goście z Krapkowic,
ze wsi i miast, i z Mettmannu,
żeby za darmo pomaszkecić
i czas spyńdzić na fulaniu.
A je i o czym pofandzolić,
bo same tu prawie lykorze,
co wiedzom przeca najlepi,
wiela chop, co je fufcik… może.
O piciu, rzecz jasna, je ta gotka,
kuknij na waszkorb z gyszynkami,
żodnej tam Viagry nie ufilujesz,
sztyjc yno flaszki z procyntami.
Pozor, a tera bydzie laudacjo!
Acik był szprytny już za bajtla:
roz, jak przeziymbił sie migdoły,
mama kozała mu w łóżku leżeć,
a on bez łokno pitnoł do szkoły.
Potym dorastać zaczon karlus
i w końcu prziszła na niego pora,
że naroz fusbal przestoł kopać
i zaczon sie bawić w dochtora.
Te hobby zostało mu do dzisiej
i choć, jak kożdy lykorz, narzyko,
familok sie kupił i lauba postawił,
co szklanym je dachym pokryto.
Acik zawziynty je w zawodzie,
zawsze na niygo mogesz liczyć
i choćbyś sie bronił, to cie bydzie
tak długo lyczył, aż cie wylyczy.
Zakończyć przidzie mi morałym
z bojki o łoszkliwej taśce,
co sie w łabyńdzia zamiyniyła…
a potym żyła jak krepel w maśle.
I tako podobno metamorfoza
wszystkie chopy przeżywajom,
kiedy to po piyńćdziesiątce
szwungu i ochoty nabiyrajom.
Wypijmy wiync za Jubilata,
niech słowo ciałym sie stanie,
niech Go łabondek nie zawiedzie,
czego mu życzą panowie i panie.
Mały słowniczek wyrazów gwarowych
Acik — Andrzej
bajtel — dziecko
bawić sie w dochtora — ulubiona zabawa dzieci i młodzieży :-)
chop — mężczyzna
gyszynk — prezent
familok — dom wielorodzinny
fufcik — pięćdziesiąt
fulać — opowiadać bzdury
fusbal — piłka nożna
gotka — mowa
je — jest
karlus — młodzieniec
Krapkowice — miasto w Polsce
krepel — pączek
kuknij — popatrz
lauba — altana, ganek
lykorze — lekarze
łabyńdź — łabędź
łabondek — mały łabędź
łoszkliwo taśka — brzydkie kaczątko
Mettmann — miasto w Niemczech
mogesz — możesz
na niygo — na niego
naroz — nagle
nie ufilujesz — nie zobaczysz
pitnoł — uciekł
pizło — stuknęło, uderzyło
pofandzolić — mówić od rzeczy
pomaszkecić — jeść coś dobrego
pozor — uwaga
przeca — przecież
przeziymbił sie migdoły — przeziębił sobie migdały
szprytny — sprytny, rozgarnięty
sztyjc yno — tu ciągle tylko
szwung — tu rozpęd, aktywność
tera — teraz
Viagra — środek usztywniający :-)
waszkorb — kosz na pranie
wiela — ile
zaczon — zaczął
żodnej — żadnej